Mardana Kamzori

Hakeem sahab meri biwi mujhe kahti hai ke main mardana taur par kamzor hun tum mein muradana sifat nahi hai main ye bat sun kar hairan rah gaya jis ki biwi use kahti hai ke tum murdana kamzori ke shikar ho main use apne kebin mein le gaya zaruri test se farig hua to pata chala ki woh to thik hai bilkul sehat mand hai koi mardana kumzori nahi hai aur do bache bhi hain khair apne karobar ko aise to manda nahi karna tha to use do tein bimaryon ka bataya aur kuch audiyat di aur pandrah din istemal karne ke bad phir aane ka kaha woh mareij kuch din bad wapis aya us ki zehni halat se lagta tha ke woh zehni taur par bahut ziyadah pareshan hai pata chala ab bhi uski biwi ko wohi shilayat hai
Hakim sahab kuch karein main ghut ghut ke mar jaunga main dil me hairan tha ke ek sehat mand shouhar ko uski biwi q zehni tashaddud kar rahi hai use bola ke agle din sham ko apni biwi ko apne sath le aye Agle din woh dono mere samne baithe the

Mardana kamzori

han biwi app ko apne shouhar se kiya masala hai hakeem sahab woh murdana taur par kumzor hain ?
Main uski be baki par hairan rah gaya uske shauhar ne ek nazare shikayat us par dali aur meri taraf imdad talab nazro se mujhe ghurne laga main thora sa jhilla gaya ke kaisi aurat hai zara bhi sharam haya nahi hai to main ne bhi sharmo haya ka taqaza ek taf rkha aur tez tez sawal karna shuru kardiye jab us se pucha ke kiya masala hai tumhe apne shauhar se to kahne lagi do bache hain hamare woh jismani taur par bilku thik hai to bibi murdana taur par kumzor kaise hua ?
Hakeem sahab mere baba dehat mein rhate hain zamindari karte hain hum do bahnein hain humein kabhi bhi rani se kum bulaya hi nahi aur mere shauhar mujhe kutti bulate hain ye kon si murdana sifat hai hakeem sahab ? Mujh se koi galti ho jaye to mere pure maike ko nangi nangi galiyan dete hain batayen ji Usme unka kiya qusur hai ye murdana sifat to nahi taki dusro ke gharwaliyon ko gali di jaye
Hakeem sahab mere baba mujhe shahzadi kahte hain aur ye gusse mein kanjri kahte hain (murd to woh hota hai naki kanjari ko bhi itni izzat de ke woh kanjri na rahe .) Aur ye apni biwi ko kanjri pukarte hai ye koi mardana bat to nahi hui na hakeem sahab ab app batyein kiya ye murdana taur par kumzor nahi hain ????
Mera sar sharm se jhuk gaya tha us ka shauhar aankhein phar phar ke uski taraf dekh raha tha agar yehi masala tha to tum mujhe bata sakti thi na
Mujh par zehni Tauchar karne ki kiya zarurat thi app ko kiya lagta app jab meri maan bahan ke sath najaiz rishte jorte hain main khush hoti hun ? Itne salon se app ka kiya gaya zehni tashaddud bardasht kar rahi hun
Woh dono chale gaye main kafi der tak sonch vichar karta raha bahar nikla to mera shagird mujhe dekhte hi bola hakeem sahab woh mia biwi bahar nikle to mai pandrah din ke aur dawai paik karke dene laga par uski biwi to bari tezz nikli usne davai mere moon par mari aur kahne lagi khud kha lena aur apne us namard lutere hakeem ko khila dena kiya………?

Meri zuban se gali aate aate ruk chuki thi kiya main bhi murdana kamzori ka shikar hun mere zehan se sonch ubharne lagi …????

Leave a Reply

Your email address will not be published. Required fields are marked *

%d bloggers like this: