Kiya Allah Qayamt ke Din Hisaab Lega?

Ek martabah ka waqia hai ke App (Salallahu Alayhi Wasllam) Tawaaf Farma rahe the ek Arabi ko apne aage tawaf karte huve paya jis ke zuban par ya kareem ya kareem ” ki sada thi , Aap (AWS) ne bhi peeche se ya kareem parhna shuru mar diya
Woh arabi Rukn yamani ki taraf jata to parhta ya kareem Sarkare do Alam bhi pichhe se parhte ya kareem woh arabi jis simt bhi rukh karta aur parhta ya kareem ” Sarkar bhi uski awaz se awaz milate huve ya kareem parhte
Arabi ne Aap (AWS) ki tarf dekha aur kaha ke ay raoshan chehre wale ! Ay Haseen Qad Wale ! Allah ki qasam Agar Aap ka Chehra Itna raoshan aur Umdah qad na hota to To Aap ki shikayat apne mahboob Nabi kareem ki bargaah mein Zarur karta ke aap mera mazaq udate hain
App (AWS) Muskuraye Aur farmaya ke kiya tu apne nabi ko pahchanta hai ?

Arz kiya nahein
Aap (AWS) ne farmaya ke fir tum iman kaise laye ?
Arz kiya : bin dekhe unki nabuwat o risalat ko tasleem kiya , mana aur bagair mulaqat ke main ne unki risalat ki tasdeeq ki Aap ne farmaya: Mubarak ho main dunya mein tera nabi hun aur Aakhirat mein tari shifa at karunga
Woh Huzur Alayhissalam ke qdmon mein gira aur bose dene laga
Aap ne farmaya ;
Mere saath woh muaamla na kar jo ajmi log apne badshahon ke saath karte hain.
Allah ne mujhe mutakbbir o jabir bana kar nahein bheja balke Allah ne mujhe bashiro nazeer bana kar bheja hai
Ravi kahte hain ke itne mein jibraiel Alaihissalam Aaye Aur Arz kiya ke Allah Tala ne Aap ko Slam Farmaya hai
Aur Farmate hain ke us arabi ko bata dein ke ham uska hisab lenge Arabi ne kaha ya Rasulullah kiya Allah Mera hisab lega ? Han ager woh chahe to hisab lega
Arz kiya ke ager woh mera hisab lega to main uska hisab lunga
Aap ne farmaya ke tu kis baat par Allah se Hisab lega?
Usne kaha ke ager woh mere gunahon ka hisab lega to main uski bakhshish ka hisab lunga mere gunah ziyadah hain ke uski bakhshish?
Ager woh mere na farmaniyon ka hisab lega to main uski mafi ka hisab lunga
Ager usne mere bukhl ka imtihan liya to main uske fazlo kram ka hisab lunga.
Huzur e Alam (SAW) Ye sab sunne ke baad etna roye ke resh mobarak aansuwon se tar ho gai phir jibraiel Alayhissalam aaye aur arz kiya ay Allah ke Rasool! Allah salam kahta hai aur farmata hai ke rona kam karein Aap ke rone ne farishton ko tasbeeho Tahlil bhuladi hai
Apne ummati ko kahein na woh hamara hisab le na hum uska hisab lenge
Aur usko khush khabri suna dein ye jannat mein Asp ka sathi hoga
Kiya Aqal ne samja hai kiya ishq ne jana hai
In khaak nasheenon ki thoker mein zamana hai
Book: masnad e Ahmad bin Hambal

Leave a Reply

Your email address will not be published. Required fields are marked *

%d bloggers like this: